Rod Stewart ka njoftuar publikimin e një albumi orkestral i cili përmban versione të reja të disa prej hit këngëve të tij të mëparshme, së bashku me këngën e re "Stop Loving Her Today".
I titulluar “You’re in My Heart: Rod Stewart With the Royal Philharmonic Orchestra”, albumi u bë me produksion të Trevor Horn dhe arrin më 22 nëntor në formatet digjitale, single CD dhe double-CD, shkruan KOHA Ditore.
"Rhino do ta nderojë kantautorin legjendar me një album të ri i cili ua mundëson fansave t’i dëgjojnë hitet më të mëdha të Stewart në një mënyrë të re", thuhet në deklaratën e shtëpisë diskografike. "Youre in My Heart: Rod Stewart With the Royal Philharmonic Orchestra i gërsheton tingujt vokalë klasikë nga këngët e tij më të njohura me aranzhmanet e reja të performuara nga Royal Filharmonic Orchestra. Rezultati është një album i përjetshëm që i ruan fuqinë, shpirtin dhe pasionin, të cilat e kanë nxitur trashëgiminë e Stewart që nga fillimi”.
Stewart aktualisht është duke performuar në një seri koncertesh në Las Vegas, të cilat do të pasohen me disa koncerte në Amerikën e Veriut, duke e përfshirë edhe një ribashkim me Jeff Beck në Hollywood Bowl më 27 shtator.
-
Rod Stewart është këngëtari më i vjetër në krye të top-listave britanike...
-
Rita Ora entuziaste për albumin e ri, tregon cila është ëndrra e saj
-
The Rolling Stones shtyjnë planet për turne, Mick Jagger shpreson për rikthim sa më shpejt
-
Robbie Williams paralajmëron koncertin e karrierës për promovim të albumit të ri
-
Taylor Swift paralajmëron se po përgatit albumin e 12-të