Janë publikuar pamjet e para të filmit “Babylon”, i cili vjen me regji të Damien Chazelles dhe flet për Hollywoodin e viteve ’20.
Me një kastë aktorësh yje, si Margot Robbie, Brad Pitt, Jean Smart, Diego Calva, Tobey Maguire dhe Olivia Wilde, filmi e rrëfen historinë e një gruaje e cila ëndërron të bëhet aktore, dhe e bënë të pamundurën ta arrijë famën në industri.
“Babylon” është një tregim i ambicies së pamasë, të tepruar dhe të egër, që i ekranizon ngritjet dhe rëniet e personazheve të shumtë, gjatë një epoke dekadente dhe shthurjeje të shfrenuar.
Me këtë projekt aktori Tobey Maguire, më së miri i njohur për portretizimin e superheroit Spiderman, e shënon paraqitjen e dytë në ekran të madh në tetë vjetët e fundit.
“Babylon” fillon së shfaquri nëpër kinematë e Amerikës më 25 dhjetor, ndërsa në Britani të Madhe lansohet nga janari i vitit 2023.
-
Bradley Cooper në projektin e ri filmik “Ocean’s” do të luajë përkrah Margot Robbiet
-
Scarlett Johansson pritet t’i bashkohet kastit të filmit “The Batman Part II”
-
“Spider-Man: Brand New Day”, publikohet traileri final i filmit të ri
-
Christopher Nolan zbulon ëndrrën e tij, të realizojë një film horror
-
Tom Holland për “Odisenë”: Ky është shansi im i fundit për të luajtur rolin e një djali