Rita Ora e ka konfirmuar martesën e saj me Taika Waititin.
Këngëtarja kosovare me famë botërore, ka folur të premten në Heart Radio Breakfast, ku e ka pranuar se tashmë është e martuar me regjisorin hollivudian.
“Po jam martuar. Zgjodha ta mbaja këtë sa më private dhe për vete”, është shprehur këngëtarja 32-vjeçare, teksa ishte ftuar në emision për ta promovuar këngën e saj më të re ku flet për një martesë, të titulluar “You Only Love Me”.
Ajo e ka quajtur ditën e martesës “perfekte”.
“Ishte saktësisht ashtu siç doja”, është shprehur ajo.
E pyetur nëse do ta marrë mbiemrin e bashkëshortit, Rita ka thënë se nuk e di ende se çfarë do të bëjë, pasi siç është shprehur, ka punuar shumë për mbiemrin që ka.
Edhe
Rita Ora thotë se ende nuk mund ta besojë se është martuar
“Kam menduar për ta marrë mbiemrin e tij, mirëpo unë kam punuar shumë për mbiemrin Ora. Nuk e di... Nuk kam vendosur ende”, ka deklaruar Rita.
