Princi William ka thënë se anëtarët e Pallatit Mbretëror nuk janë racistë duke aluduar në akuzat e Dukeshës së Sussexit, Meghan Markle e cila ka deklaruar se familjes mbretërore i kishte interesuar ngjyra e lëkurës së fëmijës së saj me Princin Harry.
Duke folur gjatë një vizite në Londër, Princi William ka thënë se nuk ka folur ende me vëllain e tij Harry për këtë çështje duke shtuar se do ta bëjë këtë së shpejti.
“Ne jemi një familje aspak raciste”, ka thënë William.
Pallati i Buckingham ka lëshuar të martën një deklaratë ku thuhej se akuzat e Meghan Markle ndaj familjes mbretërore në lidhje me ngjyrën e fëmijës së saj me Princin Harry, janë shqetësuese.
Akuzat e Meghan Markle gjatë një interviste televizive për shoumenen e famshme amerikane Oprah Winfrey kanë shkaktuar reagime të shumta në mbarë botën.
Markle kishte deklaruar se një person nga familja mbretërore, emrin e të cilit nuk e ka zbuluar, e ka pyetur bashkëshortin e saj Princin Harry se çfarë ngjyre do të kishte fëmija tyre.
-
Michelle Obama nuk është befasuar nga deklaratat për racizëm në familjen mbretërore
-
Reagime përplasëse rreth përgjigjes së mbretëreshës mbi akuzat e çiftit
-
Largimi nga familja mbretërore – Princi Harry rrëfen për tensionet me vëllain e tij
-
Princ Harry ka pasur biseda “joproduktive” me babanë dhe vëllain e tij
-
Meghan Markle po synon të bëhet presidente e SHBA-së