Postimi për Chadwick Boseman bëhet më i pëlqyeri në Twitter

Postimi në Twitter përmes së cilit u lajmëruar se kishte vdekur aktori Chadwick Boseman, është postimi më i pëlqyer në gjithë historinë e Twitterit.

Twitter përmes llogarisë zyrtare të vetën e ka konfirmuar një gjë të tillë, duke shkruar: “Postimi më i pëlqyer ndonjëherë. Një përkujtim i përshtatshëm për një mbret”, raporton CNN.

Llogaria e Boseman shpërndau një fotografi bardh e zi të tij dhe një deklaratë e cila lajmëronte se ai kishte vdekur si pasojë e një beteje 4-vjeçare me kancer. Ai ishte 43-vjeç, transmeton KOHA.

Mesazhi u përhap shumë shpejt dhe tani qëndron në krye të tabelës së Twitterit me më shumë se 5.7 milionë pëlqime.

Postimi i cili është afër tij, është ai i ish-presidentit Barack Obama në vitin 2017, me një thënie nga Nelson Mandela. Fotoja dhe fjalët janë pëlqyer më shumë se 4.3 milionë herë.