-
Përktheu:
Vita Abrashi-Kajtazi
- 22 shtator 2025 10:15
- Shpërndaje në:
Aktorja e njohur e Hollywoodit, Angelina Jolie, ka reaguar pasi prezantuesit, Jimmy Kimmel, i është ndaluar transmetimi i emisionit të tij “Late Night”, ka raportuar The Guardian.
Në festivalin e filmit në Spanjë, “San Sebastian”, aktorja është pyetur se nga çka frikësohet më shumë si artiste e si Amerikane.
Fituesja e çmimit “Oscar”, është përgjigjur duke thënë se nuk e po e njeh më Amerikën dhe ka shtuar se nuk është në rregull që të ndalohet fjala e lirë.
“Kjo është një pyetje shumë e vështirë. E dua vendin tim, por në këtë kohë, nuk po e njoh më vendin tim. Gjithmonë kam jetuar si ndërkombëtare, familja ime është ndërkombëtare, shokët, jeta ime. Mënyra se si e shoh unë botën, është e barabartë, e bashkuar dhe ndërkombëtare. Çdo gjë apo çdo vend që ndalon të shprehurit në mënyrë personale dhe që ndalon fjalën e lirë për çdo kënd, mendoj, se është shumë e rrezikshme”, ka thënë Jolie.
Ndërkohë që nuk e ka përmendur emrin e prezantuesit, komentet e saj erdhën vetëm disa ditë pasi American Brodacast Company (ABC), e cila vepron në kuadër të kompanisë së madhe “Disney”, e ka pezulluar emisionin e Kimmelit, pasi ai ka komentuar rreth vrasjes së aktivistit të ekstremit të djathtë Charlie Kirk, i cili ishte përkrahës i presidentit të SHBA-së, Donald Trump.
Edhe
Jimmy Kimmel me mesazh Krishtlindjesh për britanikët
Vet Jolie ka marrë pjesë në disa projekte filmike të “Disneyt”, si në filmin e njohur “Maleficent” dhe vazhdimin e tij, filmin “Maleficent: The Mistress of Evil”. Ajo ka luajtur edhe rolin e superheroinës Thena, në filmin “The Eternals”, i cili është pjesë e filmave të Marvelit, që po ashtu është në kuadër të “Disneyt”.
Shumë yje të kompanisë në fjalë, përfshirë aktorët si Olivia Rodrigo, Pedro Pascal e Mark Ruffalo kanë ngritur zërin duke kritikuar ngjarjen në fjalë.
“’Disney’ nuk do të donte të ishte një ndër ata që ‘thyen’ Amerikën”, ka thënë Ruffalo, i cili luan rolin e Hulkut në një nga filmat e Marvelit.
Në një video tjetër, duke folur kundër Trumpit, ai ka thënë se “është Qeveria amerikane ajo që po pengon fjalën e lirë”.
“Po e bën Qeveria e Amerikës, jo ndonjë komshi e askush nëpër rrjete sociale. Qeveria po e bën tani”, ka thënë tutje Ruffalo.
Edhe
Prezantuesit e emisioneve “Late Night” solidarizohen me Jimmy Kimmel
Pedro Pascal, i cili këtë vit ka luajtur në filmin e “Disneyt”, “Fantastic Four: First Step” dhe do të luajë edhe në dy të tjerë të kësaj kompanie vitin tjetër, përmes një postimi në Instagram ka thënë se qëndron me Kimmelin.
Olivia Rodrigo, e cila u bë e famshme nga “Gigh School Musical” e “Disneyt”, ka shkruar se është tejet e nervozuar nga kjo censurë e keqe dhe abuzim i pushtetit dhe se qëndron në Kimmelin.
Dhe në një vështrim për Deadline, Dan Gilroy, i cili javën e kaluar ka fituar çmimin “Emmy”, për skenarin që ka shkruar për shoën e “Disney+”, “Andor”, ka thënë se ndalimi i emisionit të Kimmelit po i duket si diçka “fashiste” nga “Amerika e Trumpit”.
