Pablo Schreiber u zgjodh për rolin kryesor në serinë “Halo”, përshtatjen e shumëpritur televizive të Showtime të franshizës së videolojërave “Xbox”.
Schreiber do të paraqitet në rolin e Master Chief, luftëtarit më të avancuar tokësor në shekullin e 26 dhe shpresës së vetme për shpëtimin e civilizimit i cili është në prag të shkatërrimit nga Covenant, aleanca e pandalshme e botëve jashtëtokësore të përkushtuar për një qëllim të vetëm: shkatërrimin e njerëzimit, shkruan KOHA Ditore.
Përveç kësaj, aktorja e re Yerin Ha do ta luajë personazhin e ri brenda botës Halo: Quan Ah, 16-vjeçaren dinake dhe të guximshme nga kolonitë e Jashtme e cila takohet me Master Chief në një moment fatal për të dy.
Produksioni i serisë bëhet nga Showtime, së bashku me 343 Industires dhe Amblin Television të Steven Spielberg.
Otto Bathurst do ta bëjë regjinë e disa episodeve dhe do të shërbejë si producent ekzekutiv, së bashku me Kyle Killen, i cili është skenarist dhe showrunner i serisë.
Produksioni i serisë do të fillojë këtë vjeshtë në Budapest, ndërsa data e shfaqjes nuk është caktuar ende.
-
“By any Means” sjell në ekran një komplot që sfidon drejtësinë
-
Jessica Alba i bashkohet kastit të vazhdimit të filmit “13 Going on 30” në Netflix
-
Angelina Jolie rikthehet si regjisore me dramën "Without Blood"
-
Keanu Reeves pritet t’i bashkohet filmit “Lego”
-
Sean Penn do të jetë regjisor i filmit me Bradley Cooperin për sulmin e Capitolit