Muajin e kaluar seritë e famshme “Friends” u rikthyen për një episod special pas disa vitesh që kur seritë përfunduan.
Miliona admirues të serialit mezi e pritën dhe ishën të lumtur për rikthimin, por duket se një aktor mysafir nuk ishte kaq i kënaqur të punonte gjatë xhirimeve, sipas Jennifer Aniston.
Në një paraqitje televizive, Aniston ka thënë se ka qenë një aktor i cili ishte i ftuar për rol të shkurt por që gjatë xhirimeve u pa i painteresuar të ishte pjesë e “Friends”.
“Qesharake është se ai burrë kërkoi falje për sjelljen e tij vite më pas dhe tha se ‘isha shumë nervoz dhe nuk kisha sjelljen më të mirë të mundshme’”, i tha Aniston revistës People.
Por, ajo nuk ka dhënë emër se kush ka qenë ky aktor, vetëm shtoi se gjatë xhirimeve sjelljet e tij nuk ishin të përshtatshme për atmosferën që aktorët kryesorë dhe stafi kishte krijuar mes vete.
