-
Përktheu:
Vita Abrashi-Kajtazi
- 4 shtator 2025 11:17
- Shpërndaje në:
Modelja australiane Miranda Kerr ka treguar se ka marrëdhënie të shkëlqyera si me ish-bashkëshortin e saj, Orlando Bloom, si dhe me këngëtaren Katy Perry. Edhe pse Bloom dhe Perry konfirmuan ndarjen e tyre këtë verë, ata u panë bashkë fundjavën e kaluar për të festuar ditëlindjen e vajzës së tyre, Daisy, e cila mbushi pesë vjet.
“Unë i pashë të dy gjatë fundjavës. Po festonim ditëlindjen e Daisyt. Jemi një familje e madhe dhe e lumtur. Katy është e mrekullueshme, e dua. Dhe Orlando, sigurisht”, ka thënë Kerr në emisionin australian KIIS FM “Kyle and Jackie O Show”, ka raportuar FemaleFirst.
Modelja e brendit të njohur “Victoria’s Secret”, e cila ka edhe një djalë 14-vjeçar, Flynn, me Bloom, ka theksuar rëndësinë e ruajtjes së qetësisë pas ndarjes, sidomos kur janë fëmijët në mes.
“Nëse mban armiqësi, i bën keq vetëm vetes”, u shpreh ajo.
Bloom 48 vjeë dhe Perry 40 vjeçe e konfirmuan ndarjen në muajin korrik, pas dhjetë vjetësh bashkë.
Ata patën deklaruar se do të vazhdojnë të shihen bashkë si familje, pasi prioriteti i tyre i përbashkët është, dhe gjithmonë do të mbetet, rritja e vajzës me dashuri, stabilitet dhe respekt të ndërsjellë.
Pas ndarjes, disa fansa u hutuan kur ish-çifti u shfaq bashkë në fotografi pushimesh të publikuara nga Bloom në Instagram, duke ngritur dyshime për ribashkim.
Por, në një deklaratë të përbashkët për Page Six më 3 korrik, ata shpjeguan se kishin kaluar “shumë muaj” duke e transformuar marrëdhënien e tyre drejt bashkëprindërimit.
“Në një pikë, ata duhej të pranonin se është më mirë për Daisy që t’i shohë prindërit e saj veç, në mënyrë që të mos rritet duke ndier tensionin dhe armiqësinë. Ata janë aty për Daisyn dhe kanë qenë gjithmonë. Daisy është engjëlli i tyre, dhe duan ta mbrojnë nga çdo gjë e keqe”, ka thënë një burim i afërt me çiftin për revistën People.