Ylli i muzikës, Miley Cyrus, është paditur nën pretendimin se me bashkëshkruesit e këngës së saj “Flowers”, kanë kopjuar pjesë të këngës së Bruno Marsit “When I Was Your Man”, raportoi të martën “The Guardian”.
Padia u ngrit të hënën në gjykatën federale të Los Angelesit nga kompania “Tempo Music Investments”, e cila pretendoi se “Flowers” përfshin shfrytëzim të paautorizuar të këngës.
Të akuzuar janë edhe bashkëpunëtorët e tjerë, si Gregory Hein dhe Michael Pollack, dhe Sony Music Publishing, Apple, Target, Walmart.
Mars, megjithatë, nuk përmendet si paditës.
Kërkesa e “Tempo Music” për dëmshpërblim është ende e pacaktuar, megjithatë kërkohet t’i ndalohet Miley Cyrusit ta riprodhojë, shpërndajë apo interpretojë këngën.
Edhe
Kanye West shpallet fajtor për shkelje të të drejtave të autorit
“Çdo fans i Bruno Marsit e di se “Flowers” e Miley Cyrusit nuk e arriti të gjithë atë sukses vetë. “Flowers” kopjon elemente të shumta melodike, harmonike dhe lirike të këngës së Bruno Marsit, duke përfshirë dizajnin melodik të zërit dhe sekuencën e vargut, linjën lidhëse të basit, elemente të caktuara muzikore teatrale, elemente lirike”, thuhet në padi.
“Flowers” i dha Cyrusitt Grammyn e saj të parë në ceremoninë e këtij viti, për performancën më të mirë solo pop. Kënga qëndroi për tetë javë në vendin e parë në SHBA vitin e kaluar dhe 10 javë në Mbretërinë e Bashkuar.
-
Babai i Amy Winehouse humb betejën ligjore për shitjen në ankand të gjërave të së bijës
-
Taylor Swift paditet për shkelje të markës tregtare nga një artiste në Las Vegas
-
Carey fiton mbi 92 mijë dollarë pasi u rrëzua padia për këngën e Krishtlindjes
-
Drake nuk dorëzohet pas dështimit në gjyq ndaj Kendrick Lamarit