Ajo e ka jetuar jetën në maksimum që nga fillimi i lidhjes me reperin Machine Gun Kelly vitin e kaluar. Dhe Megan Fox ka treguar të hënën në mbrëmje në emisionin “Jimmy Kimmel Live” se kërkimi i saj për përvoja të reja përfshinte një udhëtim për ‘ayahuasca’ në Kosta Rika me të dashurin e saj që e dërgoi atë në thellësitë e 'ferrit'.
Pavarësisht se sa tmerrshëm tingëllonte udhëtimi i saj, ylli i ka thënë prezantuesit Arsenio Hall se ishte në të vërtetë terapeutik. “Nuk mund të hani pas orës 13:00. Duhet të ecni në shumë. Nuk mund të bëni dush, sepse është thatësirë. Duhet t’i respektoni reshjet e shiut”, ka thënë ajo.
Ajo shpjegoi se ceremonitë filluan me 'vomitivo', në të cilën të pranishmit pinin një pije me bazë bimore që i bënte të villnin.
“Pra, duhet të villni? Nuk ka rrugë tjetër?” - ka pyetur Arsenio. “Nuk mund t’i ikni”, u është përgjigjur ajo të qeshurave të publikut. “Dhe duhet të vjellësh një shumë të caktuar para se të të lejojnë të kthehesh te të gjithë. Kështu që i brohorisni të gjithë derisa vjellin”, ka bërë shaka, duke shtuar se ishte “përvojë e mirë e afrimit me të tjerët”.
Megan tha se të dy kanë pirë ‘ayahuasca’ tre net, me një 'udhëtim' të ri çdo herë.
Edhe
Megan Fox është ndier e traumatizuar nga fama
Por ylli i “Transformators” ka thënë se tmerret e ferrit mendor ishin si një lloj terapie shumë e fortë.
“Thjesht shkon drejtpërdrejt në shpirt dhe ju çon në burgun tuaj psikologjik ku e mbani veten. Është versioni juaj i ferrit. Dhe unë isha patjetër atje”.
Udhëtimi ‘ayahuasca’ duket se ka qenë i synuar tash e sa kohë nga Megan, e cila ka thënë për “Us Weekly” më 2019 që dëshironte ta provonte me bashkëshortin e saj të atëhershëm Brian Austin Green.
“Më pëlqen shumë shamanizmi, kështu që po mësoj shumë gjëra për të”.
Edhe
Machine Gun Kelly e quan Megan Foxin “partneren më të mirë” për bashkëprindërim
“Kam lexuar ndoshta 12 ose 14 libra deri më tani, kështu që jam duke u futur në të dhe po i afrohem më shumë”, ka shpjeguar ajo.
Fatkeqësisht, Brian nuk ishte në udhëtim dhe as nuk e ka parë atë duke e realizuar dëshirën e kamotshme.
