Ka pak kohë prejse moderatorja dhe këngëtarja, Luana Vjollca, e publikoi këngën e re me titull “Trauma” si dhe episodet e para të projektit të saj, “Thuaje”, ku flet për bulizmin dhe traumat e ndryshme gjatë jetës.
Në fillim, Vjollca ka folur për eksperiencën e saj personale, kurse ditë më parë ajo e zhvilloi një bisedë me këngëtaren Beatrix Ramosaj.
Ramosaj qysh prej daljes nga shtëpia e “Big Brother VIP” nuk u largua nga kryetitujt e portaleve, e kryesisht u komentua për lidhjen e saj me Donald Veshajn. Si pasojë e kësaj, këngëtarja kosovare e cila jeton në Shqipëri, ka treguar se nuk është ndier mirë.
“Të përgëzoj shumë për gjithë nismën, sepse ka shumë njerëz që kanë nevojë dhe ne duhet ta mbështesim njëri-tjetrin”, tha këngëtarja në fillim të bisedës me kolegen e saj.
Tutje ajo shtoi se ka vuajtur shumë si pasojë e komenteve negative që i ka pranuar online nga njerëzit e panjohur. Madje tregoi se ka gjetur një terapiste e cila e ka ndihmuar shumë.
Luana dhe Beatrixa bashkëbiseduan në këtë lidhje të drejtpërdrejt në Instagram për pothuajse një orë, duke e ngritur si çështje rëndësinë e shëndetit mendor.
Edhe
Beatrix Ramosaj reagon me mesazh emocionues ndaj bullizmit online
