Lizzo është rikthyer në krye të top listave amerikane të muzikës pop duke u barazuar me qëndrimin më të gjatë në pozitën numër një për një këngë rep nga një femër.
Ylli kishte frikë se e kishte humbur rastin e saj për t’u barazuar me rekordin shtatëjavësh të Iggy Azalea me “Truth Hurts” kur kënga u rrëzua nga froni nga “Highest in the Room” nga Travis Scott javën e kaluar, por si duket hiti i saj veror e ka pasur një ngritje, duke e rikthyer atë në krye të Billboard Hot 100, shkruan KOHA Ditore.
Iggy Azalea ishte e para që qëndroi për shtatë javë në krye të top listës me këngën “Fancy”.
Cardi B dhe Lauryn Hill janë të vetmet repere të tjera femra që i kanë kaluar disa javë në pozitën numër një me një këngë.
Ndërkohë, “Senorita” e Shawn Mendes dhe Camila Cabello është rikthyer në pozitën numër dy në Hot 100, ndërsa “Someone You Loved” e Lewis Capaldi është kthyer në pozitën numër tre. “Circles” e Post Malone dhe “No Guidance” e Chris Brown e përmbyllin top pesëshen.
