Laura Dern donte që dr. Ellie Sattler të evoluonte si shkencëtare në “Jurassic World Dominion” pasi pranoi të kthehej në ekskluzivitetin e “Jurassic Park”.
Aktorja 55-vjeçare e ka ripërsëritur rolin e saj si shkencëtare në pjesën përmbyllëse të trilogjisë “Jurassic World” dhe zbuloi se e kishte diskutuar zhvillimin e karakterit të saj dhe vërtetësinë e historisë me regjisorin Colin Trevorrow, përpara se të kthehej aty.
“Fatmirësisht ata ishin shumë të hapur dhe ishin dakord dhe kjo ishte shumë e rëndësishme për Colin, i cili kujdeset thellësisht për mjedisin dhe mendoj se ndihet krenar dhe mirënjohës që kemi një mundësi të pandërprerë në këtë ekskluzivitet për të folur për atë që është më e rëndësishmja tani, për sa i përket mbrojtjes së shtëpisë sonë, Tokës”, ka thënë Laura.
“Është e përfshirë në këtë ekskluzivitet. Është edhe në librin origjinal”.
Aktorja e “Marriage Story” shpjegoi se si donte që personazhi të ishte një “aktiviste” në filmin e ri vazhdues dhe ishte e kënaqur që Trevorrow ishte dakord me mendimet e saj.
Laura tha: “Por për mua ka rëndësi se si personazhi ka evoluar në fushën e saj të shkencës që ka studiuar si paleontologe, zhdukjen tonë të mëparshme dhe përparimi si shkencëtare e tokës, fokusi i së cilës do të ishte ndryshimi i klimës për të shmangur një zhdukje tjetër.
Edhe
Premiera botërore e filmit “Jurassic Word: Dominion” në Los Angeles
“Dhe ajo nuk do të ishte thjesht aktiviste. Është dr. Ellie Sattler. Dhe nëse djemtë duan t’i bashkohen asaj, të ngrenë zërin e tyre, ata mund të kenë përvojë të mrekullueshme. Për ata është më mirë t’i braktisin vendet e gërmimit dhe të marrin pjesë në programin për shpëtimin e botës”.
Dern është pjesë e një pranie të fortë femërore në “Jurassic World Dominion”, e cila përfshin gjithashtu Bryce Dallas Howard dhe DeWanda Wise, dhe ka reflektuar se si gjërat kanë ndryshuar qëkur ajo u shfaq në filmin origjinal të Steven Spielberg të vitit 1993.
