Aktorët e njohur të Hollywoodit, Mila Kunis dhe Ashton Kutcher, kanë arritur t’i mbledhin më shumë se 30 milionë dollarë për refugjatët ukrainas, të cilët po largohen nga vendlindja si pasojë e pushtimit të vazhdueshëm rus, raporton CNN-i të hënën.
Përmes një videoje të postuar më herët në rrjetet sociale, ata i falënderuan të gjithë përkrahësit për donacionet e tyre.
“Më shumë se 65 mijë njerëz kanë dhuruar për këtë kauzë. Jemi shumë mirënjohës për gjithë këtë përkrahje. Tani me ndihmën tuaj e kemi arritur shumën e synuar prej 30 milionë dollarësh”, deklaroi Kunis.
Tutje, aktorja tha që pavarësisht se ky donacion nuk e zgjidh krizën e shkaktuar nga lufta në Ukrainë, “përpjekja jonë kolektive e lehtëson procesin e zhvendosjes së kaq shumë njerëzve, të cilët gjenden në një situatë të vështirë dhe të cilët po i pret një e ardhme e pasigurt. Puna jonë nuk ka përfunduar ende. Do të bëjmë gjithçka që mundemi për t’u siguruar që gjithë kjo dashuri që erdhi si pjesë e kësaj fushate, ta gjejë ndikimin maksimal tek personat në nevojë”.
Çifti i famshëm i showbizit, në fillim të muajit mars bëri të ditur se i ka dhuruar 3 milionë dollarë për bashkatdhetarët e Kunisit, e cila ka lindur në Ukrainë.
Edhe
Çifti hollivudian mbledh më shumë se 30 milionë dollarë për Ukrainën
Të hollat e mbledhura do të dhurohen për strehimin e refugjatëve ukrainas.
Mila Kunis u lind në vitin 1983 në qytetin Chernivitsi, ndërsa u shpërngul në Shtetet e Bashkuara të Amerikës më 1991.
Dy aktorët u takuan në vitin 1998 në sheshin e xhirimeve të serialit, “That ‘70s Show”, ku e portretizuan çiftin e dashuruar, Jackie dhe Kelso. Ndërsa 17 vjet më vonë u martuan dhe së bashku i kanë 2 fëmijë.
-
Dy çifte hollivudiane ndajnë nga 1 milion dollarë për Ukrainën
-
Mila Kunis, si kryetare e shoqatës së banorëve të lagjes, merret me ankesat e fqinjëve
-
Steven Spielberg dhe bashkëshortja e tij ndajnë 1 milion dollarë për Ukrainën
-
Mes xhelozisë dhe ambicieve për rolin e Bondit, Kutcher në qendër të vëmendjes