Kate Middleton është bërë bionde

Princesha e Uellsit u pa të enjten në një vizitë në Muzeun Kombëtar të Historisë në Londër me flokë me ngjyrë më të ndezur, të lëshuara, të stiluara vale-valë dhe shumë më të gjata.

Ky ndryshim shënon largimin nga ngjyra e saj klasike gështenjë e errët.

Që nga rikthimi i saj në angazhimet mbretërore pas trajtimit të suksesshëm me kimioterapi, Middleton ka nisur gradualisht ta çelë ngjyrën e flokëve, duke kaluar nga një kafe çokollate e thellë në këtë nuancë të re bionde me ton hiri.

“Është ndryshim i qartë, më e çelur, me një ndarje të re dhe me më shumë valëzime te majat”, shkruan revista Vogue, duke e cilësuar këtë si rifreskim për sezonin e ri.

Disa e shohin si “mënyrë e re për rikthimin në rutinë” ose si zgjedhje që sfidon trendin e zakonshëm të vjeshtës për t’i errësuar flokët.