Reperi i njohur Kanye West ka lansuar këngën e tij të re “Vultures” të mërkurën, e cila përmban mesazhe antisemitike, raporton Daily Mail.
Tani, reperi është kritikuar edhe më shumë pasi së bashku me bashkëpunëtorin e tij, Ty Dolla $ign, reperin Chris Brown, Bump J dhe të tjerë janë parë në një festë në Dubai ku shihet duke vallëzuar me të njëjtën këngë.
VIDEO:
Kanye West and Chris Brown are currently in Dubai, thoroughly enjoying the song titled "Vultures | ¥$. pic.twitter.com/vFTXdnxyOg
— World Markets (@MarketBrews) November 23, 2023
Në një video grupi shihet duke kërcyer e festuar me këngën që dëgjohet me zë të lartë vargu “How am I antisemitic, I just f****** a jewish b****”, varg ky i cili u bë shumë i përfolur.
Edhe
Kanye West i kërkon falje komunitetit hebre
“Je i neveritshëm”, ka shkruar një ndjekës pasi videoja është bërë virale.
“Turp të kesh”, ka shkruar një tjetër.
Të tjerë komentues nuk kanë mundur të përcaktohen se cila gjë është më “shqetësuese”, teksti i këngës apo vallëzimi që po bën Chris Brown.
“Chris Brown një abuzues dhe Kanye West një psikopat narcizoid që është vetëshpallur ‘tepër i mençur’”, ka shkruar një tjetër ndjekës që iu referua abuzimit që Chris i kishte bërë ish-partneres së tij këngëtares së njohur Rihanna, në vitin 2009.
Në fund të vitit të kaluar, Kanye pa karrierën e tij të shkatërrohej pas një varg shpërthimesh antisemitike.
Edhe
Albumi antisemitik i Kanye West publikohet të premten, nuk dihet nga kush
Në tetor të vitit 2022, menjëherë pas ngjarjeve, reperi West i ka thënë prezantuesit Piers Morgan se ai kishte për qëllim vetëm të ngacmonte disa hebrenj specifikë, të cilët ai mendoi se po e shfrytëzonin.
“Prandaj e thashë. Luftova zjarrin me zjarr”, pati thënë West.
Në një intervistë me prezantuesin, Alex Jones në fillim të dhjetorit, West vlerësoi Hitlerin për “cilësitë e tij” dhe gjithashtu pohoi se “Holokausti nuk është ajo që ndodhi” dhe promovoi teorinë konspirative se zezakët janë hebrenjtë e vërtetë.
Pasojat e këtyre deklaratave ishin se reperi humbi kontratat e tij fitimprurëse me gjigandët e modës si “The Gap”, “Adidas”, “Balenciaga” e më shumë.
Ai gjithashtu u shkarkua nga ekipi i tij drejtues në “Creative Artists Agency”.
Edhe
Kanye West performon para më shumë se 100,000 fansave në Stamboll
Pavarësisht polemikave, shumë nga fansat e Kanye kanë qenë të lumtur të mbështesin reperin për këngën e re.
Komente të tilla si “Dashuri për Ye” dhe “Kënaqësi të shohim Yeeee duke buzëqeshur sërish”, u postuan gjithashtu si komente të videos.
