Jay-Z ka "99 Probleme" - dhe krahasimi që i bën bashkëshortes së tij Beyonce me mbretin e ndjerë të popit, Michael Jackson, është bërë një prej tyre.
Reperi i hitit "444" është në ballë të turbulencave intensive në Twitter mes fansave të zjarrtë të yllit të rënë të "Thriller" dhe anëtarëve të guximshëm të fisit gjithnjë të zhurmshëm #BeyHive. Dhe kaosi kibernetik pasoi kur Jay, 52 vjeç, e quajti Beyoncé, 40 vjeç, një "evolucion" i Jackson - i cili vdiq në 2009 në moshën 50-vjeçare.
"Bey do të çmendet që do ta them këtë, por Michael Jackson nuk kishte bërë kurrë një Coachella," tha Jay-Z gjatë një bisede të fundit në Twitter Spaces, me bashkëpunëtoren e tij të hitit "Empire State of Mind", Alicia Keys dhe mikpritësin Rob Markman.
"Ajo është një evolucion i tij”, ka shtuar Jay-Z.
Jay-Z vazhdoi të lavdërojë nusen e tij për performancën e saj të mahnitshme "Beychella" në festivalin muzikor Coachella 2018.
"Më gjeni një koncert që është po aq i rëndësishëm kulturor dhe emocionues sa Coachella”, tha Jay-Z. “Beyoncé do të jetë një nga këngëtaret më të mira që kemi dëgjuar ndonjëherë, sepse ajo është një nxënëse e vërtetë”, ka vazhduar reperi i famshëm amerikan.
Pavarësisht nga mbretërimi i pamohueshëm i Beyonces, njerëzit aktiv të rrjeteve sociale nisën menjëherë të argumentojnë, duke thënë se këngëtarja e hitit "Sorry" nuk duhet të emërohet njëjtë si Jacksoni.
"Unë e dua Beyoncé, por mos e çoni shumë larg duke thënë se ajo është më e mirë se Michael Jackson," shkroi një fanatik i Michael Jacksonit.
“Me respekt, Michael Jacksoni nuk kishte nevojë për diçka si Coachella gjatë gjithë jetës së tij. Michael Jacksoni ka pasur dyfishin e audiencës se çdo gjë që Beyonce ka pasur ndonjëherë. Ai kishte njerëz që fjalë për fjalë u alivanosnin dhe transportoheshin me barela… pa ofendim, por Michael Jackson është i pakrahasueshëm,” shkroi një tjetër.
Jay-Z më parë kurorëzoi Beyonce-n – e cila në mars fitoi Grammy-në e 28-të dhe u bë artistja femër me më së shumti çmime Grammy e të gjitha kohërave, si “ardhja e dytë” e Jacksonit gjatë një interviste të vitit 2011 me 99 Jamz të Miami.
"Ajo që kam mësuar prej saj është e ngjashme me atë që kam mësuar nga Mike Jackson”, kishte thënë Jay-Z për Beyoncen.
"Unë e di që është blasfemi t'i krahasosh të dy, sepse Majk ishte një novator i tillë - por unë mendoj se ajo është si ardhja e dytë”, pati shtuar ai.
