Radcliffe për aktorin e ri të Harry Potterit: Do të jetë më i mirë se unë

Aktori i njohur, Daniel Radcliffe, beson se aktori Dominic McLaughlin, aktori i ri që do të luajë rolin e Harry Potterit në serialin televiziv, do ta tejkalojë atë në rol.

“Jam i sigurt që Dominic do të jetë më i mirë se unë. Unë mësova gjatë rrugës. Tani, duke u rikthyer tek ajo që bëra, jam më i mirëkuptueshëm me vetveten dhe më duket më pak interesante, por atëherë po mësoja gjatë gjithë kohës si ta bëja”, ka thënë Radcliffe në një intervistë për ScreenRant, ka raportuar The Hollywood Reporter.

Aktori i “Lost City” ka kërkuar gjithashtu nga gazetarët të ndalojnë pyetjet për aktorët origjinalë të Harry Potterit për rolet e reja dhe anasjelltas.

“Kur këta fëmijë u zgjodhën, ishte bërë çështje në internet dhe në mbarë botën, njerëzit thoshin, ‘Duhet t’i mbrojmë këta fëmijë.’ Unë thashë: ‘Nëse me të vërtetë e mendoni këtë, atëherë një gjë që mund të bëni për mua është të mos pyesni gjithmonë për mua dhe Rupert Grintin’”, ka thënë ai.

Radcliffe ka treguar se ka folur me kolegët e tij Emma Watson dhe Rupert Grint rreth serisë dhe ndjehen “mbrojtës” ndaj aktorëve të rinj që do të luajnë në shfaqje, e cila pritet të transmetohet në HBO në fillim të vitit të ardhshëm.

“Shikon fotot e këtyre fëmijëve dhe do të doje t’i përqafoje. Kjo është ndjenja që shumica prej nesh e kemi”, ka thënë ai.

Kasti i ri i ka dhënë Radcliffes një perspektivë të re për përvojën e tij si aktor fëmijë.

“Kur je 11 vjeç dhe po bën diçka, mendon me vete: ‘Sigurisht që jam mjaft i madh për këtë, jam më i rrituri që kam qenë ndonjëherë’. Por tani kur takoj 11-vjeçarë, them me vete: ‘Wow, kjo është çmenduri’. Më bën të vlerësoj më shumë atë që kam bërë, më shumë se sa mundesha atëherë, duke e bërë me shumë humor dhe duke kaluar diçka të jashtëzakonshme”, ka thënë ai.