Më 10, 11, dhe 12 gusht në Prishtinë do të zbresin disa prej yjeve më të mëdhenj botëror të muzikës me prejardhje shqiptare.
Dua Lipa, Action Bronson, e Stanaj janë në mesin e yjeve që do të performojnë në “Sunny Hill Festival”, transmeton Koha.net.
Dua Lipa ka postuar një foto me Action Bronsonin, ndërsa i fton fansat që t’i marrin edhe kushërinjtë për të shikuar performancat e tyre.
“Vëllai im Action Bronson dhe unë pas shout të tij në NYC. Hajdeni dhe shikona të dyve këtë verë në ‘Sunny Hill Festival’ dhe në fjalët e Action Bronsonit ‘i kam edhe 1000 kushërinj duke ardhur’, prandaj sillni edhe kushërinjtë tuaj”, ka shkruar Dua Lipa.
