Aktori i “The Matrix”, Keanu Reeves, u ribashkua me anëtarët e grupit të tij Dogstar, Robert Mailhouse dhe Bret Domrose, në vitin 2023 për shfaqjet e tyre të para, pas më shumë se 20 vjetësh. Pas kësaj, ata publikuan një album të ri me titull “Somewhere Between the Power Lines and Palm Tree”s.
Edhe pse Keanu kishte një vit të ngarkuar në 2025-ën, duke punuar në filma të rinj dhe duke debutuar në Broadway me “Waiting for Godot” së bashku me Alex Winter, ai gjeti kohë të marrë përsëri basin, sepse Dogstar do të publikojë një tjetër album të ri, “All in Now”, në maj.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Nuk mund ta prisnim më. Personalisht, gjithçka më pëlqeu. Ky album reflekton energjinë që kemi gjithmonë dhe kënaqësinë që kemi pasur gjithmonë.”
Bendi publikoi videon për këngën kryesore të albumit, ndërsa “All in Now” do të jetë singli i parë. Ata gjithashtu njoftuan një turne në SHBA për të promovuar albumin.
Dogstar do të japë dy koncerte në Kaliforni për të shënuar publikimin e albumit, pastaj do të nisin turneun evropian dhe më pas do të kthehen për pjesën e turneut në Amerikën e Veriut në gusht. Bendi debutoi me albumin “Our Little Visionary” në 1996 dhe publikoi “Happy Ending” katër vite më vonë, por u ndanë rreth vitit 2002 kur karriera e Keanu Reeves u rrit fuqishëm me rolin e tij si Neo në “The Matrix”.
Në vitin 2023, ata dhanë koncertin e tyre të parë zyrtar pas dy dekadash në festivalin BottleRocket, pasi ishin ribashkuar vitin e mëparshëm për një shfaqje private. Në atë kohë, Dogstar shkroi në Instagram se përgjigja e publikut ishte e jashtëzakonshme dhe se kjo i bëri të dëshironin të performonin edhe më shumë.