Cardi B duhet të fillojë të mësohet me pozicionimin në majat e toplistave muzikore.
Rep artistja nga New Yorku ka arritur ta shënojë suksesin e radhës në muzikë, pasi kënga e saj e re me titull “Up” debutoi në pozitën e dytë të toplistës së 100 këngëve më të mira “Billboard”.
Kjo është hera e nëntë që Cardi B përfshihet në topdhjetëshe të kësaj topliste, në karrierën e saj.
Është vetëm këngëtarja e re e skenës, Olivia Rodrigo, me këngën e saj debutuese “Drivers License” që e pengon reperen të pozicionohet në vendin e parë në “Billboard Hot 100”.
Emocionet e këtij suksesi, Cardi nuk arriti t’i mbajë për vete.
“Sapo kam ateruar nga pushimet me familje dhe telefoni më është pushtuar nga mesazhet e shumta. Dua t’i falënderojë gjithë adhuruesit e mi dhe ata që më kanë mbështetur. Ky është një sukses i madh për mua. Ka kohë që doja ta mundja suksesin e këngës sime të fundit solo dhe i kam tejkaluar pritjet e mia. Hera e parë që një repere debuton në top-pesëshe të kësaj topliste, prej kur Lauren Hill e kishte gëzuar një sukses të këtillë. Lista është e mbushur me muzikë pop, por unë nuk i takoj këtij zhanri”, ka deklaruar Cardi në postimin e saj në rrjetet sociale.
Just landed and my wifi back poppin .I want to say thank you to all my fans and supporters this is BIG for me .I wanted to beat my last solo single number & I over succeeded.First time a female rapper debut top 5 since Lauren.This is pop girl shit but I’m not pop . pic.twitter.com/VSdT60mvUX
— iamcardib (@iamcardib) February 16, 2021
Natyrisht, kënga e fundit e reperes që e kryesoi toplistën e 100 këngëve më të mira në muajin gusht, është hiti “WAP” të cilin e solli në bashkëpunim me rep artisten tjetër tejet të suksesshme, Megan Thee Stallion.
“Up” u lansua më 5 shkurt dhe menjëherë arriti t’i dominojë toplistat muzikore të platformave të ndryshme.
Në dhjetor të vitit të kaluar, “Billboard” e emëroi rep artisten “Gruaja e vitit”, dhe në pesë vjetët e fundit Cardi ka qenë pjesë e kësaj topliste muzikore me pothuajse çdo këngë që e ka lansuar, përfshirë këtu edhe projektin e vitit 2017 që ia solli famën anembanë botës, “Bodak Yellow”.
“Up” pritet të jetë pjesë e albumit të ardhshëm dhe ende të patitulluar të yllit të muzikës rep.
