Reperi Bad Bunny u është përgjigjur zërave se po del me Kendall Jennerin dhe këmbënguli se dëshiron ta “mbrojë” jetën e tij personale
Bad Bunny dëshiron ta “mbrojë” jetën e tij personale. Është raportuar se ai është i lidhur me Kendall Jennerin.
Reperi 29-vjeçar e aktori iu ka adresuar zërave se po del me modelisten 27-vjeçare, Kendall Jenner, raporton “FemaleFirst”.
Ata janë parë së bashku në publik disa herë këtë vit, por Bunny po qëndron i rezervuar.
Ai i tha revistës “Rolling Stones”: “E di që diçka do të dalë. E di që njerëzit do të thonë diçka. Njerëzit dinë gjithçka për mua, kështu që çfarë më mbetet mua për të mbrojtur? Jeta ime private, jeta ime personale”.
I pyetur nëse ka ndonjë gjë që ai dëshiron të sqarojë në lidhje me statusin e tij të marrëdhënies dhe romancën me Kendall, ai këmbënguli se dëshiron t’i mbajë private disa pjesë të jetës së tij.
Ai shtoi: “Kjo është e vetmja përgjigje. Në fund të fundit, e vetmja gjë që kam si pasuri është privatësia ime”.
Kur bëhet fjalë për interesimin e madh për jetën e tij personale Bunny, emri i vërtetë i të cilit është Benito Antonio Martínez Ocasio – pranoi se adhuruesit e tij do të jenë "gjithmonë" të etur” që të dinë më shumë.
Ai tha, gjithashtu, se si do të vazhdojë jetën e tij pa u ndikuar nga këto gjëra, pavarësisht se adhuruesit do të duan gjithnjë më shumë për të ditur rreth jetës së tij.
Muajin e kaluar, një burim i tha “US Weekly”: “Ajo ndihet sikur ai është pakoja e plotë dhe e trajton atë si një zotëri të vërtetë”.
Kendall Jenner më parë kishte dalë me yjet e NBA-së si Blake Griffin, Ben Simmons, dhe Devin Booker. Ajo adhuron besimin që i jep reperit dhe ata kënaqen duke kaluar kohë së bashku.
“Ata po kalojnë një kohë të shkëlqyer së bashku dhe ajo e çmon se ai shkon mirë me të gjithë miqtë e saj”, tha një burim.
Ndër të tjera ky burim gjithashtu ka theksuar se ata plotësojnë njëri-tjetrin në kaq shumë nivele dhe ajo po kënaqet duke e njohur atë më mirë çdo ditë.
