Britney Spears pretendon se e ëma ushtroi dhunë fizike ndaj saj

Britney Spears ka deklaruar se është goditur me shuplakë nga nëna e saj, Lynne Spears, derisa edhe vetë ishte nënë.

Këngëtarja amerikane ka thënë se kjo ka ndodhur në një moment kur ajo ia kishte lënë dy djemtë e saj, të cilët i ka me Kevin Federline, nënës së saj për t’u kujdesur për ta, derisa vetë kishte dalë për t’u argëtuar me Lindsey Lohan e Paris Hilton.

“Hera e parë që më dhanë shuplakë ishte një natë që Parisi dhe Lindsay më lanë në shtëpinë time në plazh me foshnjat e mia. Kevin më la në atëherë kështu që unë kisha një shtëpi të vogël në plazh dhe nëna ime po shikonte Jayden dhe Preston… po, unë u festova deri në orën 4 të mëngjesit dhe nëna ime ishte e mërzitur. Hyra brenda ajo më shikoi dhe më goditi aq fort sa nuk do ta harroj kurrë”, ka shkruar krijuesja e hitit “Upps I did it again”.

Që nga përfundimi i kujdestarisë 13-vjeçare nga babai i saj, Britney ka akuzuar vazhdimisht nënën e saj se ka nxitur masat e ashpra kufizuese ndaj të bijës, të cilat i kontrollonin jetën private dhe profesionale të këngëtares.

Ndonëse, Lynne i ka kërkuar falje Britneyt për gjithçka, ajo nuk e ka pranuar kërkimfaljen duke u lutur që e ëma të digjej në ferr.