-
Përktheu:
Vita Abrashi-Kajtazi
- 26 mars 2024 11:35
- Shpërndaje në:
Pronat e reperit me famë botërore, Sean Diddy Combs, i njohur si P.Diddy, në Los Angeles e në Miami janë bastisur të hënën.
Departamenti i Sigurisë Shtetërore ka deklaruar se ka autorizuar bastisjen në pronat e Diddyt në New York, Miami e Los Angeles, si pjesë e aksionit të hetimit që po zhvillohet kundër tij, raporton BBC.
Si pjesë e kësaj bastisjeje, deri më tani, janë kontrolluar pronat që këngëtari ka në Miami e Los Angeles.
Autoritetet nuk kanë specifikuar arsyen e bastisjes e as nëse ky aksion ka lidhje me Diddyn.
Megjithatë dy ligjvënës i kanë thënë AP-së se bastisjet janë pjesë e hetimit që po ndodhë kundër Diddyt për trafikimin seksual.
Edhe
Pas bastisjes së shtëpisë së P.Diddyt, reagon 50 Cent
Përgjatë fundit të vitit të kaluar u ngritën disa procedura penale kundër Diddyt, pasi ai u padit nga disa gra për dhunim, abuzim e trafikimin seksual.
Këto akuza janë në mesin e katër padive që janë ushtruar ndaj Diddyt nga katër gra të ndryshme, duke përfshirë një padi nga ish-e dashura e tij Cassie, me të cilën ishte në lidhje për 10 vjet.
Padia e Cassiet u tërhoq një ditë pasi ajo e paraqiti, duke rregulluar çështjen me marrëveshje private.
Megjithatë Diddy i ka mohuar të gjitha akuzat përmes një postimi në rrjetet sociale.
Edhe
Autoritetet e Los Angelesit po shqyrtojnë akuza të reja ndaj P.Diddyt për sulm seksual
Në përgjigjën në padi ai ka mohuar akuzat e paditëses Jane Doe, duke thënë se asnjëherë nuk mori pjesë në asnjë nga ngjarjet e pretenduara.
https://bbc.com/news/world-us-canada-68661857
