Filmi i mirënjohur “Oppenheimer” ishte filmi që fitoi më së shumti çmime në ceremoninë e ndarjes së çmimeve nga akademia britanike e filmit “BAFTA”, shpërblime këto që u prezantuan të dielën në “Royal Festival Hall, në Londër të Britanisë.
Edhe filmi “Poor Things” u vlerësua nga Akademia Britanike e Filmit, pasi mori pesë çmime dhe u renditur i dyti me më së shumti shpërblime, raporton CNN.
Çmimin “aktorja më e mirë në rol mbështetës” e mori Da’Vine Joy Randolph dhe falënderoi bashkëpunëtorin Paul Giamatti ndërsa pranonte çmimin.
Projekti filmik që për temë kryesore pati Holokaustin “The Zone of Interest” që u drejtua nga Jonathan Glazer, mori çmimin prestigjioz “filmi i jashtëzakonshëm britanik” si dhe “filmi më i mirë në gjuhën angleze”.
Filmat e shumëpërfolur “Barbie”, “Saltburn”, “Maestro” si dhe “Killers of The Flower Moon”, nuk morën asnjë çmim të dielën.
Edhe
“Oppenheimer” me shtatë çmime në “BAFTA”
Përgjatë kësaj ceremonie u shfaqën yje të mëdhenj të ekranit si aktori i mirënjohur Tom Cruise (përmes një video-lidhje), Michael J. Fox si dhe Princi William.
Pas ceremonisë BAFTA, ceremoni e rëndësishme në fushën e filmit është dhe “Scrren Actors Guild Award” që do të mbahet më 24 shkurt, para çmimeve të mëdha “Oscar” nga akademia e filmit që do të mbahet më 10 mars.
Çmimin “BAFTA” për filmin më të mirë e fitoi “Oppenheimer”
Filmi më i mirë që nuk është në gjuhën angleze, e fitoi “The Zone of Interest”
Dokumentari më i mirë u shpall “20 Days In Mariupol”
Edhe
Filmi “Oppenheimer” prin me nominime për çmimet BAFTA
Filmi më i mirë i animuar u shpall “The Boy And The Heron”
Regjisori më i mirë u shpall Christopher Nolan për “Oppenheimer”
Skenari më i mirë i adaptuar u shpall ai i Cord Jeffresonit, “American Fiction”.
Skenari më i mirë origjinal u shpall ai i Justine Triet dhe Arthur Harari “Anatomy of a Fall”.
Aktorja më e mirë në rol kryesor u shpall Emma Stone për filmin “Poor Things”.
Edhe
“Barbie”, “Oppenheimer” e “Killers of the Flower Moon”, favoritë për BAFTA
Kostumografja më e mirë u shpall Hollu Waddington për filmin “Poor Things”.
Kjo ceremoni e ndarjes së çmimeve BAFTA nuk u transmetua drejtpërsëdrejti.
