Albina Kelmendi flet pas Eurovizionit: Dëshmuam që jemi shqiptarë me zemër të bardhë

Këngëtarja që e përfaqësoi Shqipërinë në Eurovizion bashkë me familjen e saj, Albina Kelmendi ka thënë se falënderon të gjithë ata që e kanë votuar.

Ajo ka thënë se i gjithë ekipi ka kaluar një vit me plot sfida e punë, por ka shtuar se janë krenarë që e kanë përfaqësuar Shqipërinë ashtu siç kishin premtuar.

“Ne kemi kaluar shumë sfida, një vit pa u ndalë jemi munduar ta japim maksimumin. Ne jemi krenarë dhe me kokën lartë që e përfaqësuam Shqipërinë ashtu siç premtuam. Ne e dëshmuam që jemi shqiptarë me zemër të madhe”, ka thënë ajo.

Albina dhe familja Kelmendi janë renditur të 22-të, derisa fituese e Eurovizionit këtë vit, është Suedia.