Qindra pensionistë mblidhen në Beograd në mbështetje të studentëve protestues

Qindra pensionistë janë mbledhur në Beograd të mërkurën për të dhënë mbështetjen e tyre ndaj studentëve që po protestojnë kundër korrupsionit qeveritar.

Studentët po udhëheqin një lëvizje masive kundër korrupsionit që u shkaktua nga shembja e një strehe betoni më 1 nëntor në stacionin qendror të trenit në Novi Sad, duke lënë të vdekur 15 vetë, raporton AP. 

Kritikët besojnë se ryshfeti ka çuar në një punë të ngadaltë gjatë rindërtimit të stacionit të trenit, mbikëqyrje të dobët dhe mosrespektim të rregullave të sigurisë.

Pensionistja Dusanka Novakovic, e cila po merr pjesë në protestë  ka thënë se ata po mbështesin studentët sepse ligji nuk zbatohet.

Protestat e përditshme në të gjithë Serbinë përbëjnë një sfidë të madhe për presidentin, Aleksandër Vuçiq.

Lëvizja e udhëhequr nga studentët detyroi tashmë dorëheqjen e kryeministrit, Millosh Vuceviq, aleat i Vuçiqit.