Në Beograd të shtunën u zhvillua parada ushtarake “Forca e Bashkimit”, në të cilën, sipas njoftimeve, morën pjesë rreth 10 mijë njerëz. Parada u mbajt pavarësisht se vendi tash e gati një vit po përballet me protesta gjithnjë e më të mëdha të organizuara nga studentët që po kërkojnë zgjedhje të reja.
Parada nisi me këndimin e himnit kombëtar dhe me zjarr nderi nga anëtarët e Gardës, si dhe me prezantimin e flamurit serb.
Gjatë paradës u ekspozuan 2,500 armë dhe pajisje ushtarake, mbi 600 mjete, 70 avionë dhe 20 anije, sipas “Nova.rs”.
Në aktivitet mori pjesë edhe Milorad Dodik.
Një grup protestuesish u përpoqën ta thyenin kordonin e policisë në vendin ku po mbahet parada, por oficerët përdorën forcë fizike për ta qetësuar situatën.
Artikuj të ngjashëm
-
Mijëra protestues në Beograd kundër goditjes së lëvizjes studentore
- Parada e Vuçiqit si kërcënim për fqinjët, por edhe për kundërshtarët e tij në Serbi
-
“Fuqia e Bashkimit 2025” apo spektakli i forcës dhe hijet e së kaluarës
-
“Parada e Krenarisë”, marshuesit në Beograd dënojnë dhunën e policisë kundër protestuesve
-
Përplasje të dhunshme në Beograd, teksa protestat kundër qeverisë hyjnë në ditën e tretë