Atletët nga Kenia janë mposhtur sërish nga Soufiane El Bakkali në garën vrapim 3000 metra me pengesa, në finalen e zhvilluar të Lojërave Olimpike “Parisi 2024”, të mërkurën mbrëma.
Atleti nga Maroku e mbrojti titullin të cilin e fitoi para tre vjetësh në “Tokio 2020”.
Ai e përfundoi garën me kohën 8:06.05, para Kenneth Rooks të Shteteve të Bashkuara të Amerikës dhe kenianit Abraham Kibiwot.
El Bakkali ishte prapa në pjesën më të madhe të garës, por nuk u dorëzua, e kaloi Rooksin dhe doli i pari për ta mbrojtur titullin olimpik.
Rooks, i cili e fitoi të argjendtën, e pati kohën e tij më të mirë.
