(14:35) - Laura Fazliu është mposhtur në gjysmëfinale të Grand Prix Upper Austria.
Në kategorinë deri 63 kilogramë, Laura përballë e kishte japonezen So Morichika. Lufta ishte e fortë, por pa hedhje. Iniciativë të lehtë kishte japonezja Morichika, ndërsa në kohën shtesë Laura e pësoi dënimin e tretë për pasivitet. Kështu fitorja i takoi Morichikas.
Laura tani lufton për medalje të bronztë.
Laura me Ippon për 39 sekonda, kualifikohet në gjysmëfinale
(13:38) - Laura Fazliu e ka fituar bindshëm luftën e dytë në Grand Prix Upper Austria.
Edhe
Laura Fazliu kthehet me medalje, largohet në lot nga arena
Në kategorinë deri 63 kilogramë, Laura e kishte përballë xhudisten e sllovenisë, Leila Mazouzi. Ndaj saj realizoi Ippon me hedhje të bukur pas vetëm 30 sekondave luftë.
Laura tani është në gjysmëfinale.
Ndonëse e lënduar, Laura shënon fitore me Ippon
(12:34) - Laura Fazliu e ka kaluar pengesën e parë në Grand Prix Upper Austria që po mbahet në Linz.
Në xhiron e dytë të kategorisë deri 63 kilogramë, Laura e mposhti italianen Carlotta Avanzato.
Edhe
Laura fiton medalje në Kinë
Ndaj saj realizoi hedhje për Ippon në kohën shtesë.
Lufta ishte e vështirë për xhudisten kosovare. Në fillim të luftës ajo pësoi një lëndim në fytyrë. Mori trajtim mjekësor, ndërsa u kthye në tatami me një fashë në fytyrë. Megjithatë vazhdoi dhe shënoi fitore në fund.
