Hulumtuesit në Universitetin Rochester kanë zbuluar se për bashkëshortët, është me të vërtetë më mirë të japësh sesa të marrësh, transmeton koha.net.
Një ekip i udhëhequr nga Harry Reis, profesor i psikologjisë në Universitetin e Rochester, i ka studiuar 175 çifte të sapomartuara në Amerikën e Veriut, të cilët ishin të martuar në një mesatare prej 7 muajsh.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo"Studimi ynë është dizajnuar për ta testuar një hipotezë të propozuar nga Tenzin Gyatso, Dalai Lama aktual", tha Reis në një njoftim për shtyp. "Ky shqetësim i dhembshurisë për mirëqenien e të tjerëve e rrit gjendjen emocionale të personit në fjalë".
Hulumtuesit kanë zbuluar se përfitimet emocionale të akteve të dhembshurisë janë të rëndësishme për personin që e jep apo ofron dhembshurinë, pavarësisht nëse marrësi është në dijeni të veprimit apo jo, transmeton koha.net.
Nga pjesëmarrësit e studimit u kërkua ta mbajnë një ditar të përditshëm dyjavor për t’i regjistruar rastet ku cilido bashkëshort i sakrifikoi dëshirat personale për t’i përmbushur nevojat e partnerit të tyre. Pjesëmarrësit i regjistruan gjendjet e tyre të përditshme emocionale çdo ditë në bazë të 14 gjendjeve pozitive dhe negative, si lumturia, qetësia, pikëllimi, zemërimi dhe lëndimi.
Gjatë periudhës 14-ditore, meshkujt dhe femrat raportuan dhënien dhe marrjen e një mesatareje prej .65 dhe .59 akteve të dhembshurisë në ditë. Burrat raportuan se kishin marrë më shumë akte të dhembshurisë sesa gratë.
Rezultatet treguan se dhuruesit përfituan nga aktet e dhembshurisë edhe në qoftë se aktet nuk ishin njohur nga partnerët e tyre. Përfitimi për dhuruesit ishte rreth 45 për qind më i madh se për përfituesit.
"Është e qartë se marrësi duhet ta vërejë aktin e dhembshurisë për të përfituar emocionalisht nga ai", tha Reis. "Por njohja është një faktor shumë më i vogël për dhuruesin. Sjellja me dhembshuri mund të jetë shpërblimi ynë".
Studimi u publikua në revistën Emotion.