Një nga pjesët më emocionuese të vitit të ri është ndjenja e fillimit nga e para me një plan të pastër. Sigurisht, mund të filloni të bëni ndryshime të reja në çdo kohë të vitit, por ka diçka më shumë motivuese në lidhje me një vit të ri kalendarik për ta filluar një rutinë të ushqyerjes më të shëndetshme. Për t’ju ndihmuar t’i arrini disa nga qëllimet tuaja në vitin 2023, dietologët dhe ekspertët shëndetësorë i ndajnë këshillat e tyre për ndryshimet e thjeshta të zakoneve të të ngrënit që mund t’i bëni me shumë pak përpjekje.
Megjithëse këto këshilla janë të thjeshta dhe praktikisht të lehta, ato mund të bëjnë ndryshimin në shëndetin tuaj deri në fund të vitit, nëse mund t’u përmbaheni atyre.
Përfshirja e më shumë frutave dhe perimeve në dietën tuaj të përditshme është një hap vendimtar për t’u ndjekur për një shëndet më të mirë. Së pari, studimet tregojnë se ngrënia e frutave dhe perimeve është e lidhur me zvogëlimin e rrezikut të sëmundjeve kardiovaskulare, goditjes në tru dhe diabetit. Qendra për Kontrollin dhe Parandalimin e Sëmundjeve thotë gjithashtu se zëvendësimi i ushqimeve me kalori të lartë me fruta dhe perime, mund të jetë një kontribut i dobishëm për humbjen e peshës dhe menaxhimin e peshës. Humbja e peshës sigurisht që nuk barazohet gjithmonë me një mënyrë jetese më të shëndetshme, por nëse ky është një qëllim specifik i juaji, ngrënia e më shumë ushqimeve natyrale mund të ndihmojë.
Fatkeqësisht, konsumimi i perimeve dhe frutave me vaktet tuaja mund të jetë një sfidë. Jo vetëm për faktin se ju sfidon nga ana financiare, por shumë shpesh ato kërkojnë gatim dhe përgatitje. Për ta bërë pak më të lehtë përfshirjen e këtyre produkteve në dietën tuaj ditore, dietologët ju rekomandojnë furnizimin me fruta dhe perime të ngrira.
Perimet që janë të ngrira zakonisht janë të prera paraprakisht dhe të gatshme për t’u përdorur, që do të thotë se mund t’iu kursejnë kohë në kuzhinë. Frutat dhe perimet gjithashtu shpesh ngrihen në pjekurinë e tyre maksimale, që do të thotë se ato mund ta ruajnë vlerën e tyre ushqyese më mirë se produktet e freskëta që mund të transportohen në distanca të gjata dhe mund të jenë mbledhur përpara se të piqen plotësisht.
Edhe
Ndryshimet e thjeshta të ushqyerjes që mund t’i bëni për t’u ndier më mirë këtë vit
Ndonjëherë bërja e një ndryshimi të madh të jetës ose ndryshimi i dietës mund të duket dërrmuese, gjë që mund të rezultojë në dëshirën për të hequr dorë para se të filloni. Nëse kjo është diçka për të cilën jeni të shqetësuar ose e keni përjetuar në të kaluarën, mund të përfitoni duke
e ndjekur një model diete që përfshin kryesisht ushqime me bazë bimore, por gjithashtu përfshin mish, peshk dhe produkte të tjera shtazore.
Kjo mënyrë e ushqyerjes mund t’ua ofrojë një sërë përfitimesh shëndetësore, pasi ushqimet me bazë bimore janë të pasura me lëndë ushqyese dhe mund të ndihmojnë në uljen e rrezikut të sëmundjeve kronike, si sëmundjet e zemrës, diabeti dhe disa lloje kanceri. Megjithatë, nëse do të hani më shumë ushqime me bazë bimore, përqendrohuni në ato ushqime që janë të plota dhe të papërpunuara.
Një dietë me bazë bimore që bazohet në ushqime të plota, të pasura me fibra dhe të papërpunuara, mund të jetë më e ulët në kalori dhe yndyrë sesa një dietë e pasur me produkte shtazore, gjë që mund ta bëjë më të lehtë menaxhimin e peshës dhe zvogëlimin e rrezikut të obezitetit.
Buka me drithëra integrale, makaronat dhe orizi mund t’ju japin nivele më të larta të fibrave dhe lëndëve ushqyese, sesa drithërat e bardha dhe të rafinuara. Kjo është për shkak se kur karbohidratet e rafinuara përpunohen, ato humbasin shumë nga vlerat e tyre të rëndësishme ushqyese.
Nivelet e larta të fibrave të drithërave integrale mund të ndihmojnë në përmirësimin e tretjes dhe zvogëlimin e rrezikut të kapsllëkut. Këto drithëra janë gjithashtu një burim i mirë i karbohidrateve komplekse, të cilat mund të ofrojnë energji të qëndrueshme dhe të ndihmojnë në rregullimin e niveleve të sheqerit në gjak.
Edhe
Ngrënia e më shumë bimëve mund t'ju shpëtojë jetën
Disa hulumtime madje tregojnë se dietat më të larta në drithëra, mund të ndihmojnë në uljen e rrezikut të sëmundjeve koronare të zemrës, sëmundjeve kardiovaskulare dhe disa lloje kanceri. Një ndryshim i lehtë për t’u bërë në sirtarin tuaj këtë vit është furnizimi i varieteteve të drithërave dhe karbohidrateve tuaja të preferuara. Ju ende mund të shijoni oriz, bukë dhe makarona sa herë të doni, por përpiquni t’i shmangni versionet e bardha dhe të rafinuara kurdo që keni mundësi.
Tani e dimë rëndësinë e përfshirjes së perimeve të mjaftueshme në dietën ditore, prandaj ekspertët sugjerojnë përgatitjen e tyre para kohe në mënyrë që ta lehtësojnë procesin. Një mënyrë për ta bërë këtë është duke mbajtur në frigorifer sallata të gjelbra të lara paraprakisht dhe të gatshme për t’u ngrënë, së bashku me karotat e grira dhe domatet e vogla. Është kaq e lehtë ta anashkaloni ngrënien e sallatës kur duhet ta lani dhe copëtoni atë.
