Përgatitja e një tryeze me djathëra për festa nuk ka pse të jetë vetëm një lloj-llojshmëri e zakonshme. Siç e shpjegon Dr. Federica Amati, nutricionistja kryesore në ZOE, shumë djathëra të njohur ofrojnë vlera të vërteta ushqyese, nga proteina dhe kalciumi e deri te vlerat e tjera që mbështesin shëndetin e zorrëve. Disa madje janë më të lehtë për t’u tretur nga organizmi jonë sesa mund të mendoni.
Me disa zgjedhje të zgjuara, mund të ndërtoni një tryezë që mbetet festive dhe me shumë shije, por që sjell edhe një shtesë të mirë ushqyese. Nëse preferoni klasikët e vjetër e të thërrmueshëm, apo llojet më të buta e më të lehta, ka vend për secilin në një tryezë që balancon shijen e mirë me shëndetin, shkruan Daily Mail.
Parmesan
Një djathë i fermentuar për një kohë të gjatë. Falë fermentimit të zgjatur, pjesa më e madhe e laktozës shpërbëhet, duke e bërë më të lehtë për tretje për njerëzit me ndjeshmëri ndaj laktozës. Parmesani është ofron një sasi të mirë proteinash nga bulmeti i fermentuar.
Wensleydale
Një zgjedhje tradicionale për tryezën tuaj. Kjo përzgjedhje festive është burim i shkëlqyer proteine dhe kalciumi. Kombinojeni me fruta si dardha, boronica të kuqe apo mollë për më shumë fibra dhe krijoni një kombinim më ushqyes në pjatën tuaj.
Cottage cheese
Një zgjedhje shumë e gjithanshme që natyrshëm ka më pak yndyrë të ngopur se shumë djathëra të tjerë. Është gjithashtu shumë i pasur me proteinë (rreth 12 g për porcion), duke ndihmuar të ngopeni dhe të mbështesni riparimin e muskujve. Shumë marka gjithashtu përmbajnë probiotikë – kërkoni për "kultura të gjalla dhe aktive" në paketim. Thjesht kushtojini vëmendje sasisë së natriumit, si te shumica e djathrave.
Djathë kremi (p.sh., Philadelphia)
Ndoshta nuk do ta prisnit që një nutricioniste ta rekomandojë, por djathi krem mund të jetë zgjedhje miqësore për mikrobiomën, pasi përmban disa mikrobe të gjalla. Është i butë, i lehtë dhe përshtatet shumë mirë me ushqime të tjera të mira për zorrët, si lakra turshi, kimchi, ose bukë thekre e drithëra të plota.
Djathë dhie
Me përmbajtje më të vogël të laktozës është më i lehtë për t’u tretur për shumicën e njerëzve. Në varësi të llojit, mund të përmbajë një varg probiotikësh. Është i pasur me lëndë ushqyese – perfekte edhe si shtesë mbi sallata apo pjata të tjera.
Djathë Cheddar i vjetër
Cheddar i pjekur gjatë është i pasur me proteinë, kalcium, vitaminë B12, vitaminë A dhe jod. Përmbajtja e tij e yndyrave të ngopura dhe natriumit është më e lartë, ndaj shijohet më mirë si pjesë e një diete të balancuar.
Gouda
Një tjetër djathë i fortë dhe i fermentuar, i pasur me probiotikë dhe lëndë thelbësore si proteina dhe vitamina K – që mbështesin shëndetin e zorrëve dhe të kockave.
Mozzarella
Shtojeni për një opsion më të freskët dhe më të lehtë. Zakonisht ka më pak energji, yndyrë të ngopur dhe natrium krahasuar me shumë djathra të fortë e të vjetër.
Nuk kanë se si të mungojnë edhe tre djathra që duhen shmangur:
Djathë të përpunuar në feta
Nuk është për t’u habitur që rekomandohet shmangia e tyre. Përmbajnë shumë më tepër natrium se shumica e djathrave, gjë që mund të ndikojë në shëndetin e zemrës. Janë të klasifikuar si ushqime ultra-të përpunuara dhe shpesh të mbushura me aditivë, duke ulur kështu përmbajtjen natyrore ushqyese si proteina dhe kalciumi.
Brie
Djathi Brie ka disa përfitime. Ky djathë i butë dhe i pasur me lëndë ushqyese ofron vitamina B dhe kalcium. Fermentimi i tij i butë e bën më të lehtë për t’u tretur gjë që iu bën shumë mirë zorrëve. Megjithatë, është i lartë në yndyrë të ngopur – ndaj është mirë të kufizoni sasinë.
Boursin
Edhe pse niveli i natriumit të tij është i ngjashëm me shumë djathra të tjerë, ai ka më shumë yndyrë të ngopur dhe më pak proteina, duke e vendosur ndër zgjedhjet më pak ushqyese për t’u shijuar rreth Krishtlindjeve.