“Spinerë”, lodrat që u bënë shumë të popullarizuara vitin e kaluar, janë në mesin e produkteve të cilat në tregun e BE-së janë të etiketuara si të rrezikshme për shëndetin, thuhet në raportin e Komisionit Evropian për vitin 2017 për mallrat e rrezikshme.
Adhuruesit e objekteve që mund të rrotullohen në gishtin e madh, midis gishtërinjve ose në sipërfaqe të rrafshëta thonë se ky lloj argëtimi krijon varësi të madhe.
Disa “spinerë” vijnë me drita LED dhe mbushës të baterive, dhe ekziston rreziku që fëmijët t’i marrin këto bateri dhe t'i gëlltisin ato, thuhet në raport, transmeton Koha.net.
Komisioni Evropian i përmendi 11 “spinerë” dhe i largoi ato nga tregu, sepse nuk i përmbushin kushtet e përdorimit të sigurt të BE.
Komisioni e publikon çdo vit një raport për produktet e rrezikshme që duhet të ndalohen, të tërhiqen ose largohen nga tregu i Bashkimit Evropian.
Lista përfshin lodra, veshje, kozmetikë, makina profesionale dhe shumë produkte të tjera, duke përfshirë automjetet.
Edhe
Lodrat e dëmshme për shëndetin që u ndaluan nga Dogana në vitin 2025
Lista shpesh përfshin lodra që përmbajnë pjesë të imëta ose kimikate, ndërsa problem, ndër të tjera, ndonjëherë paraqet edhe paketimi plastik i cili mund të çojë në ngufatje.
Në vitin 2017, 53 për qind e artikujve të rrezikshëm vinin nga Kina dhe Hong-Kongu, ndërsa 26 për qind e kishin origjinën nga vendet e BE-së.
-
Pasaportë digjitale dhe ndalime të reja për lodrat që hyjnë në tregun evropian
-
Rreth 5000 lodra me formë e aromë ushqimesh largohen nga tregu
-
Qytetarët të shqetësuar pse lodrat e rrezikshme aziatike u lejuan të hyjnë në tregun kosovar
-
Lodra të rrezikshme kineze qarkullojnë në Kosovë – testet në Holandë i vlerësuan të tilla