Kjo është bluza që mund ta blejnë vetëm milionerët

Një fanellë sporti u shit së fundmi për 24.12 milionë dollarë, duke u konsideruar si rroba më e shtrenjtë ndonjëherë. Ajo është uniforma e lojtarit të bejsbollit, Babe Ruth, që e kishte përdorur gjatë garave të  vitit 1932.

Fanella u hodh në ankand dhe pas shumë propozimeve, iu shit një personi që nuk iu bë i ditur identiteti, ka shkruar NPR.

“Nëse kjo fanellë do të ishte vepër arti, do të ishte sikur ta blinit Mona Lisën”, është shprehur drejtori i ankandeve të sportit, Chris Ivy.

Sipas tij, kjo fanellë ka këtë çmim pasi është relikte e famshme e sportit amerikan.

Bluza e dytë më e shtrenjtë në botë është 12.5 milionë dollarë, e shitur në vitin 2022.