Një shtetas kosovar ka paguar një pano reklamuese në Sllatinë, me të cilën i ka uruar shërim të shpejtë presidentit amerikan, në kohën kur ai po përballet me koronavirusin.
Naim Murseli, këshilltari i kryetarit të Aleancës Kosova e Re, Behgjet Pacolli, ka përzgjedhur billboardin afër Aeroportit për t’i uruar shëndet presidentit amerikan Donald Trump.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAi ka paguar për vendosjen e një billboardi afër Aeroportit Ndërkombëtar të Prishtinës.
“Shërim të shpejtë, President! Të kemi në mendje”, shkruhet në billboardin ku është vënë portreti i Trumpit e në prapavijë janë flamujt e Kosovës dhe SHBA-së.
Përmes një postimi në Twitter, Murseli ka shkruar se “ka shfrytëzuar kursimet për të paguar billboardin më të madh dhe më të shtrenjtë, për të nderuar Trumpin dhe popullin amerikan”.
Publikimin e Murselit e ka shpërndarë në Twitter edhe i dërguari i Trumpit për dialogun Kosovë-Serbi, Richard Grenell.