Një balenë vrastare, e cila ishte e sëmurë, është gjetur e ngordhur në lumin Sena në Normandy të Francës, kanë thënë aktivistët.
Orka mashkull katër metra i gjatë është parë për herë të parë dy javë më parë pranë grykës së lumit, por mori rrugën e saj dhjetëra milje në rrjedhën e sipërme drejt qytetit Rouen.
Një plan për të drejtuar atë në det duke përdorur stimuj të zërit, dështoi dhe ekspertët arritën në përfundim se ishte e sëmurë rëndë, shkruan BBC.
Autoritetet ishin të përgatitur për ta eutanizuar kafshën, por aktivistët thonë se ajo ngordhi për shkaqe natyrore.
Grupi i fushatës mjedisore, Sea Shepherd, postoi në Twitter se orka e ngordhur u gjet të hënën.
Një ekip shpëtimi pritet ta marrë trupin e saj dhe ta zhvendosë atë në breg.
Artikuj të ngjashëm
-
Balena sei e rrezikuar gjendet e ngordhur në bregdetin e Kilit
-
Katër trupa u gjetën në lumin e Senës, Policia kap një të dyshuar
-
Të paktën 12 të vdekur nga fundosja e një anijeje në Kanalin Anglez
-
Mister në Japoni, mijëra peshq të ngordhur dalin në breg
-
Një i vdekur në Australi pasi balena goditi anijen