Gjenden dëshmi që njerëzit kanë banuar në Amazonë rreth 13 mijë vjet më parë

Një analizë e re e aktiviteteve njerëzore në dy vende parahistorike në Amazonën kolumbiane ka zbuluar se njerëzit kishin jetuar në rajon rreth 13 mijë vjet më parë.

Duke studiuar shtresat e tokës, studiuesit ishin në gjendje të zbulonin historinë e gjatë të të dy vendbanimeve, duke treguar se banorët e lashtë filluan të bënin art shkëmbor më shumë se 10 mijë vjet më parë.

“Kolonizimi i Amerikës së Jugut përfaqëson një nga migrimet e mëdha në historinë njerëzore, por mbërritja e tyre në biomën e Amazonës është pak e kuptuar. Megjithatë, gërmimet tona të fundit ndihmojnë në plotësimin e këtij boshllëku, jo vetëm që tregojnë datën e mbërritjes së tyre shumë më herët sesa mendohej më parë, por ofrojnë njohuri të reja në jetën e tyre dhe trajektoret historike gjatë Holocenit”, shpjegoi autori i studimit Mark Robinson në një deklaratë.

Dy strehëzat shkëmbore të zbuluara së fundmi janë pjesë e një sërë vendbanimesh në rajonin Serranaa La Lindosa, në skaj të Amazonës. Studiuesit gjetën një nga koleksionet më të mëdha në botë të artit shkëmbor parahistorik, që mbulonte 13 kilometra shkëmb.

Bazuar në mbetjet e kafshëve, studiuesit ishin gjithashtu në gjendje të zbulonin se banorët më të hershëm hëngrën piranja, gjarpërinjtë, krokodilë dhe breshka, midis specieve të tjera.

Duke përmbledhur gjetjet e ekipit, autori i studimit Jose Iriarte ka thënë se “rezultatet konfirmojnë fuqimisht se pushtimi njerëzor i Serranaa La Lindos filloi në fund të Pleistocenit, rreth 12.600 vjet më parë, dhe vazhdoi deri në shekullin e 17-të”.