Edhe në fillim të këtij viti, inteligjenca artificiale (IA) ka parashikuar se cilat destinacione evropiane do të jenë më të preferuarat nga turistët. Bazuar në pyetjet dhe kërkimet e turistëve në internet, IA na jep një pasqyrë pothuajse të qartë për udhëtimet.
Turistët në Evropë po kërkojnë gjithnjë e më shumë destinacione që ofrojnë aktivitete dhe më shpesh zgjedhin ato që ofrojnë eksperiencë të paharrueshme në vend të përmbajtjeve kulturore dhe historike. Sipas IA, destinacioni më popullor evropian në vitin 2024 është Italia.
Portali “Malabrian” përdori inteligjencën artificiale për të përpunuar të dhënat e udhëtimit në rrjetet sociale midis janarit dhe tetorit 2023. Më shumë se 380 milionë të dhëna u analizuan për të përcaktuar motivimet e njerëzve për udhëtime. Ky informacion, së bashku me të dhënat e lidhjes së trafikut, u përdor për të përcaktuar destinacionet që përshtaten më mirë me tendencat aktuale dhe në rritje.
Italia doli në vendin e parë me katër destinacione potencialisht të njohura. Piemonte fitoi vendin e parë për përzierjen interesante të kulturës, natyrës dhe gastronomisë. Campania, Lombardia dhe Emilia-Romagna, rajone që tërheqin tradicionalisht një numër të madh turistësh gjenden në mesin e dhjetë vendeve të preferuara për turistët për vitin 2024.
Vera, ushqimi dhe natyra e vendosën Nouvelle-Aquitaine në Francë në vendin e dytë. Ky rajon është më i njohur për kodrat, natyrën e butë dhe vreshtat.
Edhe
Destinacionet më popullore të kërkuara në “Google”
Lindja e Anglisë doli e treta për ekuilibrin e saj midis kulturës dhe natyrës. Nga muzetë prestigjioze të Cambridges deri te lumenjtë e fjetur të Norfolk Broadsit, atraksionet e rajonit janë lehtësisht të arritshme nga kryeqyteti Londër dhe nëpërmjet aeroporteve ndërkombëtare.
Kolni dhe vargu i kështjellave përrallore dhe North Rhine-Westphalia në Gjermani u renditën në vendin e gjashtë, ndjekur nga Hamburgu në vendin e nëntë dhe Lisbona në Portugali në vendin e 10-të.
