Një megaqytet saudit i së ardhmes do të ketë dy rrokaqiej që shtrihen në një zonë të shkretëtirës dhe terrenit malor, sipas zbulimeve të fundit mbi projektin nga sundimtari de fakto i mbretërisë, raportoi të mërkurën “The Guardian”.
Strukturat paralele të rrokaqiejve të mbuluar me pasqyrë që shtrihen më shumë se 100 milje, të njohura kolektivisht si Linja, formojnë zemrën e megaqytetit Neom në Detin e Kuq.
I prezantuar për herë të parë në vitin 2017, Neom ka ngritur vazhdimisht pikëpyetje për shkak të propozimeve si taksitë fluturuese e shërbëtoret robotë dhe arkitektët e ekonomistët kanë vënë në dyshim fizibilitetin e tij.
Në një prezantim të fundit, princi Mohammed përshkroi një vizion edhe më ambicioz, që e paraqiste si qytetin më të jetueshëm deri më tash.
Zyrtarët patën thënë se popullsia e Neomit do të shkonte në 1 milion, por princi tha se do të ishte 1.2 milionë deri më 2030, para se të arrijë në 9 milionë më 2045.
Edhe
Arabia Saudite do të ndërtojë stadium 350 metra mbi tokë
Princi tha se qëllimi ishte që deri më 2030 të jenë 50 milionë persona – gjysma sauditë dhe gjysma të huaj.
Deri më 2040, qëllimi tha ai, është 100 milionë persona.
“Ky është qëllimi kryesor i ndërtimit të Neomit, ta rrisim kapacitetin e Arabisë Saudite, të kemi më shumë qytetarë dhe më shumë njerëz në Arabi Saudite. Dhe meqë po e bëjmë këtë nga hiçi, pse duhet t’i kopjojmë qytetet normale”, tha ai.
Një aeroport tashmë është operativ në Neom dhe autoritetet në maj deklaruan se do të fillonin me fluturimet e rregullta nga Dubai, por ende mbetet e paqartë nëse pjesa më e madhe e ndërtimit të megaqytetit ka filluar.
Edhe
Arabia Saudite po tenton ta ndërtojë rrokaqiellin më të madh në botë
Neom tha se do të krijonte 380.000 vende pune deri në fund të dekadës.
