Autoritetet në Pensilvani të SHBA-së iu bënë thirrje qytetarëve që të ruhen nga një gjarpër rreth 2 metra i gjatë, pasi i ka ikur pronarit.
Faqja “Upi” shkroi të mërkurën, se Policia lokale deklaroi se nuk dihet lokacioni i gjarprit, duke kërkuar që nëse hasin në të, të njoftojnë.
Pronari i gjarprit, Paul Tobin, bëri thirrje që të mos luajnë me gjarprin nëse e shohin dhe të mos kenë frikë.
“Gjarpri është ushqyer së fundmi dhe nuk besoj se ka dalë për gjah”, deklaroi ai.
Ai tha se do ta shpërblejë me 200 dollarë personin që ia gjen gjarprin.