Elefanti përplaset në kuzhinën e një shtëpie në Tajlandë në kërkim të ushqimit

Një grua në Tajlandë ka gjetur një vizitor të papritur në shtëpinë e saj në mes të natës fundjavën e kaluar – një elefant të egër aziatik.

“Po flinim dhe u zgjuam nga një zhurmë brenda kuzhinës sonë”, ka thënë Ratchadawan Puengprasoppon. “Kështu që nxituam poshtë dhe pamë këtë elefant i cili kishte futur kokën në kuzhinën tonë ku ishte thyer muri”.

Muri i kuzhinës veçse kishte një vrimë në të kur një elefant ishte përplasur në shtëpinë e saj muajin e kaluar, ka sqaruar ajo. Dëmi nuk ishte riparuar kur elefanti futi kokën në të këtë të shtunë.

Ajo ka thënë se gjatë tërë jetës ka parë elefantë në vendin e saj, por kurrë asnjë nuk kishte dëmtuar shtëpinë, shkruan CNN.

Departamenti i Parkut Nacional ka shkruar në Facebook se elefanti ka hyrë në kuzhinë sepse ka nuhatur ushqimin.