Një ish-zyrtare në zyrën e sherifit në një periferi të New Orleans është arrestuar, pasi ka refuzuar t’i kthejë më shumë se 1.2 milionë dollarë që ishin depozituar aksidentalisht në llogarinë e saj.
Kelyn Spadoni, 33-vjeçare është marrë në mbajtje të mërkurën me akuzat për vjedhje të 25.000 dollarëve, për mashtrim bankar dhe transmetim të paligjshëm të fondeve monetare.
Spadoni akuzohet për lëvizjen e shpejtë të fondeve në një llogari tjetër dhe përdorimin e disa prej parave për të blerë një makinë të re dhe një shtëpi, thanë autoritetet.
Autoritetet thanë se një gabim kishte bërë që Charles Schwab, një korporatë e madhe e shërbimeve financiare, të depozitonte më shumë se 1.2 milionë dollarë në llogarinë e saj. Kur banka u përpoq të kërkonte paratë, kërkesa u refuzua sepse paratë nuk ishin në dispozicion, sipas zyrës së sherifit.
Raportet thanë se ajo u pushua nga puna nga Sherifi i Parishit të Jefferson pas arrestimit të saj.
-
Policia arrestoi 82-vjeçaren amerikane se nuk pagoi mbeturinat
-
Arrestohet një grua në Pejë për vjedhjen e mbi 176 mijë dollarëve dhe mijëra eurove
-
Gjeti portofol me 800 euro dhe nuk e ktheu, arrestohet i dyshuari
-
Punëtorja që vodhi 230 mijë euro te Chelsea rrezikon burgim
-
Inspektori gjerman dhe gruaja e tij përvetësuan mbi 1 milion euro nga matësit e parkimit