-
Nga:
Valbona Bytyqi
- 13 mars 2025 19:05
- Shpërndaje në:
1 mijë e 46 fletëvotime të dërguara me postë janë shpallur të vlefshme nga rivlerësimi i 1631 sosh sa u patën konstatuar të pavlefshme fillimisht. Rinumërimi i tyre ka përfunduar të mërkurën. E të enjten, KQZ-së i është hapur rruga për shpalljen e rezultateve përfundimtare, pas vendimit të Gjykatës Supreme për të refuzuar ankesën e vetme që e pati në shqyrtim
Komisionit Qendror të Zgjedhjeve i është hapur rruga për shpalljen e rezultateve përfundimtare të zgjedhjeve parlamentare të mbajtura më 9 shkurt.
Të enjten, Gjykata Supreme ka refuzuar ankesën e Partisë Demokratike të Ashkalinjve të Kosovës kundër Panelit Zgjedhor për Ankesa dhe Parashtresa.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë Komisionin Qendror të Zgjedhjeve nuk dhanë ndonjë datë së kur mund të shpallen rezultatet.
Thanë se në lidhje me ankesat e parashtruara do të marrin edhe një herë konfirmimin nga institucionet kompetente.
“Para thirrjes së mbledhjes për shpalljen e rezultateve, KQZ do të marrë konfirmimet nga PZAP dhe Gjykata Supreme nëse në këto institucione ka ndonjë ankesën që kërkon vendimmarrjen e tyre dhe nëse KQZ mund të procedoje me shpalljen e rezultateve përfundimtare”, ka thënë zëdhënësi i KQZ-së, Valmir Elezi.
Ndërkohë, të mërkurën ka përfunduar rivlerësimi i 1.631 fletëvotimeve të ardhura me postë, të cilat u patën shpallur të pavlefshme, pasi nuk ishin të printuara mirë.
Nga 1.631 sosh, të vlefshme janë vlerësuar 1.046, derisa të pavlefshme mbetën 585.
Nga rinumërimi i tyre, numri më i madh i votave i shkoi Lëvizjes Vetëvendosje - 743, pasuar nga PDK-ja me 114, LDK-ja me 104 e AAK-ja me 27.