Piktura me motive shqiptare

Përmes formave dhe ngjyrave, ajo synon ta kthejë të kaluarën në një dritë të re.

Artistja Teuta Beqiri-Hasangjekaj ka krijuar një seri pikturash që i ka titulluar “Valltarët”, “Veku”, “Nusja” e “Kroi”. Nëpërmjet koloritit, Teuta sjellë dinamikën dhe jetën e grave shqiptare pranë kroit e vekut, raporton KOHA.

Në një lojë vijash e formash, ajo gërsheton dashurinë e saj për natyrën.

Gjallëria është kryefjala e krijimit artistik të Teuta Beqiri- Hasangjekajt.

Teuta Beqiri-Hasangjekaj, e cila punon si mësimdhënëse e grafikës, ka botuar edhe tre libra. “Kur frymëmarrja bëhet shërim”, titullohet libri i saj i fundit.

Teuta Beqiri-Hasangjekaj thotë se do të vazhdojë që përmes ngjyrave e shkrimit ta mbajë lidhjen me traditën dhe të përcjellë pozitivitet.