Kënga “Jugoslavija” e interpretuar nga këngëtarja Zejna Murkiq është kualifikuar në finale në garën për ta përfaqësuar Serbinë në Eurovisionin e sivjetmë, duke shkaktuar reagime të shumta në rrjetet sociale, veçanërisht nga Kosova.
Që para performancës, kënga ishte kritikuar për titullin e saj, ndërsa pas interpretimit, vëmendja u përqendrua më shumë te elementët teknikë të skenës sesa te vokali dhe aftësitë akrobatike të këngëtares, shkruan “Index.hr”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDebati nisi edhe para mbrëmjes gjysmëfinale që u mbajt të martën. Profili në rrjetet sociale, “Eurovision Kosovo”, akuzoi Serbinë se “nuk po arrin ta ndajë politikën nga Eurovisioni”. Sipas “Eurovision Kosovo”, kënga e Murkiqit “glorifikon Jugosllavinë” megjithëse ajo flet për unitet dhe bashkim.
“Përdorimi i emrit “Jugoslavija” si metaforë poetike (“Jugoslavija smo ti i ja”) nuk mund të shihet i shkëputur nga konteksti historik i dhunës, luftërave, shtypjes dhe krimeve që lidhen me këtë emër për shumë kombe që kanë jetuar në ish-Jugosllavi. Për disa, kjo mund të jetë art; për të tjerë, është plagë e hapur. Mesazhi për “unitet”, “dashuri” dhe “bashkim” nuk e neutralizon ngarkesën simbolike të një termi që përfaqëson trauma kolektive, viktima reale dhe histori të dhimbshme”, thuhet në reagimin e këtij profili.
E në një reagim tjetër pas performancës së djeshme, profili “Eurovision Kosovo” në “X”, ka thënë se Murkiqi e konfirmoi se kënga bart edhe mesazh politik. Ata bënë thirrje që Eurovisioni nuk është vend për qëndrime politike.
“Këngëtarja tani në fakt e ka konfirmuar — përmes pamjeve të saj skenike — se kënga e saj mbart një mesazh politik. Në skenografinë e saj, mund të shihet ndërtesa e Shtabit të Përgjithshëm në Beograd, ndërtesa që u bombardua nga NATO në vitin 1999 për të ndaluar gjenocidin në Kosovë. Edhe pse u përpoq ta mbulonte ndërtesën me efekte skenike, mesazhi politik i këngës mbetet i qartë. Eurovisioni nuk është vendi për deklarata politike!”, vijon reagimi i tyre.
1/2 The singer has now effectively confirmed — through her stage visuals — that her song carries a political message. In her scenography, the General Staff Building in Belgrade can be seen, the building that was bombed by #NATO in '99 to stop genocide in #Kosovo. pic.twitter.com/RMFdgGFnSE
Kritikat e publikut për Zejnën ishin edhe për skenografinë. E veshur me një fustan të gjatë elegant, ajo e interpretoi këngën ndërsa kabllot e ngrinin në ajër, duke i mundësuar të realizonte akrobaci, rrotullime dhe të këndonte edhe me kokë poshtë. Megjithatë, pikërisht kabllot u bënë tema kryesore e diskutimeve në rrjete sociale. Shumë shikues vlerësuan se aspekti teknik e shpërqendroi vëmendjen nga kënga dhe interpretimi, ndërsa kritikat më të mëdha iu drejtuan organizatorëve, me arsyetimin se pajisjet e ngritjes mund të ishin bërë më diskrete dhe më pak të dukshme.
jel vi shvatate koliki moras da budes amater u produkciji da dozvolis da je snimas ovako da se vidi da je na sajli bas u svakom trenutku. Deluje kao random zakacena.... pic.twitter.com/NydGeCefTk
Nga 12 këngë pjesëmarrëse, shtatë u kualifikuan në finalen që do të mbahet më 28 shkurt. Finalistët janë: Mirna – “Omaja”, Kosmos Trip – “Sve je u redu”, Iva Grujin – “Otkrivam sebe”, Lores – “Unseen”, Yanx – “Srušio si sve”, Zejna – “Jugoslavija” dhe Ana Mashuloviq – “Zavoli me”.
Serbia është një herë fituese e Eurovisionit. Triumfoi në vitin 2007 me Marija Sherifoviqin e cila interpretoi këngën “Molitva”.