Një pikturë e artistit austriak, Gustav Klimt, është gjetur në Vjenë pas pothuajse 100 vjet që kishte humbur.
Portreti i Fraulein Lieser, i cili i përkiste një familjeje hebreje në Austri, u pa për herë të fundit në publik në vitin 1925 dhe që atëherë nuk dihej për fatin e tij, por pronarët aktualë kanë deklaruar se e kanë pasur pikturën që nga vitet ‘60, shkruan BBC.
Shtëpia e ankandit “Im Kinsky” e ka vlerësuar portretin me mbi 54 milionë dollarë dhe ai do të dalë në ankand më 24 prill në emër të pronarëve aktualë dhe pasardhësve ligjorë të familjes Lieser.
Sipas tyre para ankandit, piktura do të prezantohet në vende të ndryshme, duke përfshirë Britaninë e Madhe, Zvicrën e Gjermaninë.
Portreti dikur i përkiste familjes Lieser, të cilët ishin industrialistë të pasur hebrenj në Vjenë.
Një avokat tha për mediat austriake se deri më tani nuk kishin gjetur asnjë provë se vepra ishte grabitur ose vjedhur para ose gjatë Luftës së Dytë Botërore.
Veprat e artit të Gustav Klimt në të kaluarën kanë marrë shuma milionëshe nëpër ankande, teksa vepra e tij "Zonja me një fans" u shit për 85.3 milionë funte në qershor, duke e bërë atë veprën më të vlefshme të artit të shitur ndonjëherë në ankand në Evropë.