Kulturë

Zgjoi” i rekordeve: 35 mijë bileta për 75 ditë

Për nga numri i biletave të shitura, “Zgjoi” është filmi më i shikuar i vitit 2021 edhe nëse krahasohet me premiera filmash botërorë

“Filmi ‘Zgjoi’ vazhdon të mbetet një nga filmat më të shikuar në ‘Cineplexx’”, është postimi me të cilën ka nisur ditën rrjeti më i madh i kinemasë në vend. Rreth 200-300 vizitorë në ditë ende ndalojnë te biletaria e “Cineplexxit” për filmin nën regji të Blerta Bashollit. Ishte filmi më i shikuar gjatë 2021-shit. Vendosi rekord sa u përket shitjeve të biletave në vend. Rreth 35 mijë bileta janë shitur qëkur nisi shfaqja e filmit më 22 tetor të 2021-tës.

 

Rendi nëpër kinematë e vendit për të shikuar “Zgjoin” vazhdon të jetë i gjatë. Kjo ka bërë që filmi nën regji të Blerta Bashollit të vazhdojë e të qëndrojë në repertorët e kinemave, edhe më shumë se dy muaj pas premierës në ekranin e madh. Producenti Yll Uka ka thënë se rekordet e shënuara nga “Zgjoi” janë ogur i mbarë për rrugën që po e pret drejt “Oscarit”

“Filmi ‘Zgjoi’ vazhdon të mbetet një nga filmat më të shikuar në ‘Cineplexx’”, është postimi me të cilën ka nisur ditën rrjeti më i madh i kinemasë në vend. Rreth 200-300 vizitorë në ditë ende ndalojnë te biletaria e “Cineplexxit” për filmin nën regji të Blerta Bashollit. Ishte filmi më i shikuar gjatë 2021-shit. Vendosi rekord sa u përket shitjeve të biletave në vend. Rreth 35 mijë bileta janë shitur qëkur nisi shfaqja e filmit më 22 tetor të 2021-tës.

“Zgjoi” u konsiderua si një rrëfim që shpalos plagët e thella që lufta e fundit vragoi mbi fate njerëzish, duke shërbyer njëkohësisht si frymëzim për mbijetesë. Filmi për të cilin Basholli ka shkruar edhe skenarin është i bazuar në rrëfimin e Fahrie Hotit dhe shpërfaq sfidat e grave në mungesë të burrave si pasojë e luftës së fundit në Kosovë.