Hetim preliminare kanë bërë të ditur se zjarri që kaploi Institutin e Mjekësisë Ligjore gjatë së martës dyshohet se ka ardhur pas një defekti në instalimin elektrik, ka thënë ushtruesi i detyrës së zëvendësdrejtorit të IML-së, Ditor Haliti. Thuhet se nuk janë djegur materiale të ndjeshme.
Haliti ka thënë për KOHËN se hetimet do të vazhdojnë edhe në ditët në vazhdim.
“Nga hetimet e para, siç më kanë njoftuar hetuesit, dyshohet se instalimi elektrik është shkaktari i zjarrit në IML. Hetimet do të vazhdojnë edhe ditëve në vijim”, ka thënë ai.
Sipas burimeve të KOHËS, zjarri ka filluar të ndizet në zyrën e ish-drejtorit të IML-së, Arsim Gërxhaliu e më pas ka kaluar në zyre të tjera. Gjatë hetimeve preliminare është konstatuar se janë djegur vetëm gjëra personale të ish-drejtorit të IML-së.
Për këto, është njoftuar edhe prokurori i rastit.
-
Shkaktari i zjarrit në IML dyshohet se ishte defekti në instalimin elektrik
-
Zjarr në Institutin e Mjekësisë Ligjore
-
Një pjesë e Institutit të Mjekësisë Ligjore kaplohet nga flakët
-
Kica për djegien e IML-së: Ngre dyshime për përfshirjen e rrezikshme të pushtetit
-
Haxhiu për zjarrin në IML: S’ka djegie apo dëmtim të mbetjeve mortore, arkivit dhe mostrave